Kateqoriya: Ölkə

AMEA-nın əməkdaşı “Milli Şura”nın mitinqinə görə həbs oluna bilər

AMEA-nın əməkdaşı “Milli Şura”nın mitinqinə görə həbs oluna bilər

İctimai-siyasi fəal Qəzənfər Kazımov həbslə hədələnir. Bu barədə məlumat verən Q.Kazımov bildirib ki, "Milli Şura"nın 11 sentyabrda “Məhsul” stadionunda keçirdiyi “Monarxiyaya və Talana Son” mitinqində iştirak etdiyinə görə, Nizami Rayon Polis İdarəsinə çağırılıb.

“Mənə zəng vurub dedilər ki, polis idarəsinə gəlməlisən. Mən də dedim ki, polisə çağırışla bağlı yaşadığım ünvana məktub yollayın. Getmədim. Bir müddət sonra sahə müvəkkili yolumu kəsib polis idarəsinə getməyimi tələb etdi. Yenə getmədim” deyə Q.Kazımov məlumat verib.

Onun sözlərinə görə, sonuncu dəfə yaşadığı Xətai rayonu, Gəncə prospektində yerləşən evinə gələn polis əməkdaşları onlarla polis bölməsinə getmələrini tələb ediblər: “Yenə getmədim. Sonra mülkü geyimdə evimizə gələn polis əməkdaşı özünü də təqdim etmədən onlarla getməyəcəyim təqdirdə məni həbs edəcəklərini söylədi.
Q.Kazımov deyir ki, bu hadisədən sonra Daxili İşlər Nazirliyinə məlumat versə də, hər hansı bir tədbir görülməyib: “Yaşadığım ərazinin sahə müvəkkili hesab edir ki, mən qonşuları və iş yoldaşlarımı mitinqə aparmışam. İctimai-siyasi fəal olduğumuza görə, bizi hər an, hər dəqiqə təqib edirlər. İcazəli mitində iştiraka görə bizə təzyiq edirlərsə niyə görə bu mitinqə icazə verirdilər?”.

Azərbaycan Milli Elmlər Akademiyasının Şərqşunaslıq İnsitutunun əməkdaşı olduğunu deyən Qəzənfər Kazımov bildirib ki, mitinqdə iştirakına görə, işini itirmək təhlükəsi ilə üzləşib. “Əməkdaşı olduğum AMEA Şərqşunaslıq İnsitutu “Mərkəzi Asiya və Uzaq Şərq ölkələri” şöbəsində mənə olan münasibət tamamilə dəyişib. Artıq işimi itirəcəyimlə bağlı mənə məlumat veriblər”.
Məlumat üçün bildirək ki, Qəzənfər Kazımov 2015-ci il oktyabrın 25-də keçirilən “Azad seçki” mitinqindən sonra Yasamal Rayon Məhkəməsinin qərarı ilə polisə müqavimət maddəsi ilə 15 günlük həbs olunub.

[15.09.2016 /20:01]

Oxşar xəbərlər

Fikirlər

Adınız:*
E-Mail:
Bold Italic Underline Strike | Align left Center Align right | Insert smilies Insert link URLInsert protected URL Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Kodu daxil edin: *