Ana səhifə Xəbərlər Oxucu fikirləri Əlaqə Rss
» » İcra başçısı Gədəbəydə pensiya bazarı açıb – Özəl rəqəmlər

İcra başçısı Gədəbəydə pensiya bazarı açıb – Özəl rəqəmlər

Tarix : 7-11-2016, 09:01 | Kateqoriya: Ölkə / Manşet
(голосов:0)
İcra başçısı Gədəbəydə pensiya bazarı açıb – Özəl rəqəmlər


Gədəbəy rayonunda misli görünməmiş pensiya maxinasiyaları baş verməkdədir.

Politika.Az-ın rayon sakinlərindən aldığı məlumata görə,struktur dəyişiklikləri ilə əlaqədar Rayon İcra Hakimiyyətinin başçısı Ramiz Yediyarovun əli büdcə vəsaitlərin mənimsənilməsindən üzülüb.

Odur ki, başçı bütün gücü ilə sosial müdafiə üçün ayrılan vəsaitlərin talan edilməsinə girişib. Bir qədər əvvəl onun vətəndaşlardan saxta “veteran” statusu düzəltmək adı ilə kütləvi pul yığdırması ilə bağlı məlumat verilmişdi. Məlum olmuşdu ki, müvafiq orqanlar bu işə razılıq verməyib, sadəcə başçı pul yığmaq eşqi ilə bu işə qol qoyub.

Gözlənildiyi kimi yığdırdığı pula görə verdiyi sözü tuta bilməyib. Aldadıldığını başa düşən vətəndaşlar pullarını geri tələb etməyə başlayıblar. Oktay adlı rayon sakini deyib ki, yığılan vəsaiti həzm rabedən keçirən başçı vətəndaşların pulunu qaytarmaq üçün yeni mənbə tapıb.

Politika.Az xəbər verir ki, bu gün rayonda əsl pensiya bazarı açılıb. Dövlət Sosial Müdafiə Fondunun müdiri Məsud Məmmədov başçının maraqlarını çox həvəslə təmin edir və saxta pensiya təyin edilməsi üçün fantastik məbləğdə rüşvət tələb olunur.

Belə ki, işləyib-işləməməsindən, xəstə olub-olmamasından asılı olmayaraq istənilən şəxs əlilliyə görə əmək pensiyası ala bilər. Saxta əlilliyin qiyməti 4-5 min manat, saxta stajla pensiya düzəltməyin də qiyməti təxminən o qədərdir. Beləliklə bir saxta pensiya vətəndaşa 8-10 min manata başa gəlir.

Qeyd edək ki, baş verən qanunsuzluqlarla bağlı Əmək və Əhalinin Sosial Müdafiə naziri Səlim Müslümova müraciət ediləcəyi bildirilib. Sakinlər inanır ki, nazir dərhal problemi yoluna qoyacaq.

Sakinlər nazirə və prezidentə müraciətində xahiş edir ki, ölkədə iqtisadi çətinliklərin baş verdiyi bir vaxtda dövlət vəsaitinin belə amansızcasına talanmasına yol verənlər haqda tədbir görülsün, Ramiz Yediyarovun və Məsud Məmmədovun fəaliyyəti araşdırılsın. Qarşı tərəfi dinləməyə hazırıq.

Oxşar xəbərlər
Şərhlər

Ваше Имя:   Ваш E-Mail:  


Код:
Okunamayan kodu yenilemek için resmin üstüne tıklayınız

Введите код: